နှစ်သစ်ဆုတောင်း..

နေခြည်နုနုနဲ့ အစပျိုးတဲ့
ဇန်န၀ါရီမနက်ခင်းက
နှစ်သစ်ကို
ဖွင့်လှစ်လိုက်တယ်..။

သက္ကရာဇ်တစ်ခု အဆုံးသတ်ပြီး..
သက္ကရာဇ်တစ်ခု စတင်လို့
နှုတ်ခွန်းဆက်သည်
ဇန်န၀ါရီ..။

နှစ်ဟောင်းမှာ..
စွန်းထင်းခဲ့တဲ့ အညစ်အကြေးတွေကို
အတတ်နိုင်ဆုံးဆေးကြောပြီး
ဖြူစင်မှုနဲ့ နှစ်သစ်ကို
ကြိုဆိုပါရစေ..။

ငါ.. တောင့်တမိတယ်..
မျှော်လင့်ခြင်းရောင်ခြည်တွေ
ယှက်သန်းနေပြီး
သစ္စာတရားတွေ ထုံမွမ်းမယ့်
နှစ်သစ်...။

ငါ..လိုချင်မိတယ်..
အမှန်တရားက..
မှားယွင်းမှုကို လွှမ်းမိုး
မြင့်မြတ်မှုက …
ကောက်ကျစ်မှုကို အလဲထိုးတဲ့
နှစ်သစ်...။

ငါ.. ဆုတောင်းမိတယ်..
ဝမ်းနည်းမှုတွေ အဆုံးသတ်
ချုပ်နှောင်မှုတွေ ကင်းလွတ်ပြီး
လူသားအားလုံး လွတ်လပ်မှုကို
ပျော်ရွှင်စွာ ခံစားရပါစေသား
အရှင်ဘုရား..။

(အားလုံးပဲ ၂၀၀၈မှာ ပျော်ရွှင်ချမ်းမြေ့ပြီး လိုအင်ဆန္ဒ ပြည့်ဝကြပါစေနော်။)