Saturday, October 6, 2007

လိမ်ခြင်း၏အကြောင်းတရားများ

အင်တာနက်ကမရတာအခုဆို ရက်တောင်တော်တော်ကြာနေပါပြီ… ဒါကြောင့် ရတဲ့အချိန်လေးမှာ စာတောင်မကျက်နိုင်ပဲ ပို့စ်အသစ်တင်ဖြစ်တာပါ… အမြန်တင်လိုက်ရလို့ ဖတ်လို့မကောင်းရင်လည်း တောင်းပန်ပါတယ်နော်…

မိတ်ဆွေတို့လိမ်ဖူးကြပါသလား… အလိမ်ရောခံဖူးကြပါသလား… ကျမကတော့ ကိုယ်ကပဲညံ့လို့လားမသိဘူး… ခဏခဏအလိမ်ခံရပါတယ်… အလိမ်ခံရတိုင်းလည်း စိတ်တိုဒေါသထွက်ပြီး ကြာတော့လည်း ကိုယ်ပါမောလာရော… အခုလူတွေဘာကြောင့်လိမ်သလဲဆိုတာ စဉ်းစားကြည့်ရအောင်နော်…

ပထမဆုံးအနေနဲ့ကတော့ သူများတွေပြောလေ့ရှိတဲ့ မုသားအဖြူနဲ့ပဲ စကြရအောင်နော်… မုသားအဖြူဆိုတာက ကိုယ့်အတွက်ဘာအကျိုးအမြတ်မှ မပါဝင်ဘဲနဲ့ အခြားသူတစ်ယောက်ရဲ့ စိတ်ဆင်းရဲမှုကို မကြည့်ရက်လို့လိမ်ပေးရတာမျိုးကိုခေါ်တာပါ… ဒီလိုနည်းနဲ့မုသားသုံးတာဆိုရင်တော့ ကျမတို့က အပြစ်မယူသင့်ပါဘူး… ဥပမာဆိုပါစို့... ကျမတို့အသိထဲက တစ်ယောက်ယောက်က ရောဂါစဖြစ်နေပြီ… အဲဒီ့ရောဂါကကုလို့လည်းမရနိုင်ဘူး… ဒီအခြေအနေမျိုးမှာဆိုရင် ကျမတို့အမှန်ကို ပြောပြမလား? ကြည့်ကောင်းအောင် လိမ်ထားမလား? ကျမကတော့ ဒီလူစိတ်ဓါတ်မကျစေဖို့ လိမ်ထားတဲ့နည်းလမ်းကိုပဲ ရွေးဖြစ်မှာပါ…လူဆိုတာက စိတ်ဆောင်နေသရွေ့တော့ သွားနိုင်လာနိုင်ပါသေးတယ်... သူ့အတွက်လည်းအကျိုးရှိ၊ ကိုယ့်အတွက်လည်းအကျိုးမယုတ်တဲ့ ဒီလိုလိမ်ခြင်းမျိုးကိုတော့ ကျမတို့ အသုံးပြုသင့်ပါတယ်...

နောက်တစ်ချက်ကတော့ ကိုယ့်အကျိုးစီးပွားအတွက် အများတကာကို လိမ်ခြင်းဖြစ်ပါတယ်… ဒီလိုလိမ်ခြင်းမျိုးကိုတော့ စီးပွားရေးအရ ပြိုင်ဆိုင်မှုတွေမှာ တွေ့ရတတ်ပါတယ်… ပွဲစားယောင်ဆောင်ပြီးပိုက်ဆံ လိမ်တဲ့လူတွေကိုလည်း ဒီအမျိုးအစားထဲမှာ ထည့်ရမှာဖြစ်ပါတယ်… ယခုမျက်မှောက်ခေတ်ကြီးမှာတော့ ဒီအမျိုးအစားထဲမှာ ပါတဲ့လူတွေများနေပါပြီ… ပစ္စည်းဥစ္စာရှားပါးလာတာနဲ့အမျှ လူလိမ်တွေလည်း တနေ့တခြားများလာကြတာပါ…

နောက်တစ်မျိုးကတော့ လိမ်ရတာပျော်မွေ့တဲ့လူစားမျိုးပဲ ဖြစ်ပါတယ်… အဲဒီ့လိုလူစားမျိုးကိုတော့ ကျမအပြင်မှာအများကြီးကြုံဖူးပါတယ်… ပျော်ရွှင်မှုအတွက်လိမ်တယ်လို့ ပြောရမှာပေါ့… ကျမသူငယ်ချင်းထဲမှာလည်း ဒီလိုလူတွေရှိပါတယ်… သူကသူ့အတွက်အကျိုးမရှိလည်း ရတယ်တဲ့… သူလိမ်တာကို အဲဒီ့လူကယုံသွားရင်ကို အရမ်းပျော်တာတဲ့… ဒီလိုအခြေအနေမျိုးကတော့ တဖက်လူကခံစားမှုမရှိရင် ဘာမှမဖြစ်ပေမယ့် ဟိုဘက်ကအရမ်းခံစားသွားရရင်တော့ တော်တော်အားနာဖို့ကောင်းပါတယ်…

ကိုယ့်ရဲ့လျို့ဝှက်ချက်ကိုထိန်းချင်လို့ လိမ်ကြတဲ့လူတွေလည်းရှိပါတယ်… ဒီလိုမျိုးကိုတော့ လူတော်တော်များများ လိမ်ဖူးကြမှာပါ… အများအားဖြင့် ပညာရေးနယ်ပယ်မှာတွေ့လေ့ရှိတဲ့ လိမ်ခြင်းမျိုးပေါ့… ကျမတို့စာမေးပွဲနီးပြီဆိုပါစို့… ဘယ်သူမဆို စာမေးပွဲဖြေခါနီးရင်တော့ အသေအလဲကျက်ကြတာချည်းပါဘဲ… ဒါပေမယ့်အဲဒီ့အချိန်မှာ တယောက်ယောက်ကိုများ နင်စာတွေအရမ်းကျက်နေပြီလားလို့မေးကြည့်… သူဖြေမယ့်အဖြေကို ကျမအာမခံရဲတယ်… ငါဘာမှကိုမရသေးဘူး… ဆိုတဲ့အဖြေပဲရမှာပါ… ကျမကတော့ ကိုယ်မေးလိုက်လို့ သူငယ်ချင်းကဒီလိုပဲ ဖြေရင်လည်း ခွင့်လွှတ်လိုက်ပါတယ်…
ကိုယ်တိုင်လည်းအကျိုးအမြတ်မရှိပါဘဲနဲ့ သူတပါးကို အကျိုးယုတ်စေချင်ကြသူများကိုလည်း တွေ့နိုင်ပါတယ်… အလုပ်ခွင်ထဲမှာ ချောက်တွန်းတဲ့လူတွေမျိုးပေါ့လေ… ပင်ကိုယ်ဗီဇထဲမှာကိုက မကောင်းတဲ့စိတ်ကြီးဆိုးနေတာပါ… စိတ်ဓါတ်အောက်တန်းကျသူတွေပေါ့… ဒီလိုလူမျိုးတွေကို လူလို့တောင်သတ်မှတ်လို့မရပါဘူး…
ဒီအချက်တွေကတော့ ကျမသိသမျှ လိမ်ရခြင်းအကြောင်းတရားတွေပါဘဲ… ကျန်တာတွေလည်းရှိချင်ရှိဦးမှာပါ… မုသားမပါလင်္ကာမချောဆိုတဲ့ ဆိုရိုးစကားလည်းရှိထားတော့ ကျမတို့လောကီလောကမှာ နေသရွေ့ မုသာဝါဒကို တစ်နည်းမဟုတ် တစ်နည်းနဲ့ ကျူးလွန်နေကြရဦးမှာပါ… ဒါပေမယ့် ကိုယ်ဘယ်အုပ်စုထဲပါရမလဲဆိုတာတော့ မိမိဘာသာရွေးချယ်ကြရမှာ ဖြစ်ပါတယ်ရှင်…



1 comment:

way.lwint.thu said...

အမှတ်တရ အနေနဲ့ပါ ကျေနပ်မယ်လို့ ထင်ပါတယ်
သဘာဝက ဖန်တီးပေးလိုက်တဲ့ ကံကြမ္မာက အကောင်းရော အဆိုးပါ ဒွန်တွဲပြီး ပါလာတာပဲလေ ။ အဲဒီအတွက်လဲ ဘယ်သူကို မှ အပြစ်တင်လို့မရပါဘူး ။ အရာအားလုံးဟာ ဘယ်တော့မှ ကိုယ်ဖြစ်ချင်သလို ဖြစ်မလာနိုင်ဘူးဆိုတာကို လူတိုင်းလူတိုင်း သိထားသင့်တယ်လို့ထင်ပါတယ်။ ဖြစ်ပျက်နေတဲ့ အချိန်တိုင်းမှာ ကံကိုပဲအားကိုးနေရင် ဘယ်ဖြစ်မှာလဲ။


ဝေးလွင့်သူ