ကျမနှင့်ရေချမ်းစင်

ကျမစာမရေး ဖြစ်တာတောင် ကြာနေပြီနော်။ ဒီနေ့တော့ မဖြစ်မနေဘဲ ရအောင်ရေးခဲ့ပါတယ်။ ကျမတို့ အိမ်ဘေးက ရေအိုးစင်လေးအကြောင်းပါ။ ဖတ်ပြီးတော့ စိတ်တိုင်းမကျပေမယ့် ထပ်ပြီးလည်း မပြင်တတ်တာကြောင့် ဒီအတိုင်းပဲ တင်ပေးလိုက်တယ်နော်။
***
ကျမတို့ မောပန်းတဲ့အခါ လိုအပ်ဆုံးအရာက ဘာပါလဲ? ကျမကတော့ မောပန်းတဲ့အခါတိုင်း ရေအေးအေးလေးကို သတိရမိပါတယ်။ ရေအေးအေးလေး သောက်လိုက်တိုင်း ရင်ထဲမှာ အေးမြသွားလေ့ရှိပါတယ်။ ဒါကြောင့် မေမေက လမ်းသွားလမ်းလာတိုင်းကို အပန်းပြေစေဖို့ ကျမတို့အိမ်ဘေးမှာ ရေးချမ်းစင်ကလေးကို ထားရှိပါတယ်။ ဆင်းရဲချမ်းသာမရွေး သောက်သုံးစေချင်တဲ့ စေတနာနဲ့ပါ။

ကျမတို့ ရေချမ်းစင်လေးကို စစဆောက်ချင်းတုန်းကတော့ သစ်သားနဲ့ဆောက်ထားပေမယ့် လေဒဏ်မိုးဒဏ်ကို မခံနိုင်မှာစိုးတာကြောင့် အခုတော့ အုတ်နဲ့ ပြန်ပြင်ဆောက်လိုက်ပါပြီ။ ကြွေပြားအစိမ်းရောင်လေးတွေနဲ့ ကပ်ထားတဲ့ ကျမတို့ရေချမ်းစင်လေးက သောက်ချင်စရာလေးပါ။ အမိုးအကာလေးနဲ့ မြင်ရသူတိုင်း စိတ်ကိုအေးချမ်းစေပါတယ်။

မေမေက ရေချမ်းစင်လေးကို အရိပ်ရတဲ့ သရက်ပင်အောက်မှာ ထားရှိပါတယ်။ အရိပ်အောက်မှာ ရှိနေတဲ့အတွက် မေမေ့ရဲ့ ရေချမ်းစင်လေးထဲက ရေဟာ အမြဲတမ်းအေးချမ်းနေပါတယ်။ ရေချမ်းစင်လေးကို မနက်တိုင်း ရေဖြည့်တဲ့တာဝန်ကိုတော့ ကျမတို့ တလှည့်စီတာဝန်ယူကြပါတယ်။ ကျမတို့ ထည့်ပေးထားတဲ့ ရေလေးတွေကို အမောပြေသောက်သုံးသွားတဲ့ လမ်းသွားလမ်းလာတွေကို တွေ့ရတဲ့အခါ ကြည်နူးမိပါတယ်။

ရေချမ်းစင်လေးကို သောက်သုံးတဲ့လူတွေမှာ သဘောထားတွေက အမျိုးမျိုးကွဲပြားကြပါတယ်။တချို့တွေကျတော့လည်း ရေအိုးစင်ထဲက ရေကို မသောက်သုံးဘဲနဲ့ လက်တွေခြေတွေကို ဆေးကြောတာတွေ၊ မျက်နှာသစ်တာတွေ လုပ်လေ့ရှိပါတယ်။ ကျမတို့ မမြင်ကွယ်ရာမှာ ထိုအပြုအမူတွေကို လုပ်လျှင်တော့ ကိစ္စမရှိပေမယ့် ကျမတို့ရှေ့မှာ လုပ်လျှင်တော့ တော်တော်လေး စိတ်ကသိကအောင့် ဖြစ်မိပါတယ်။ ဒါပေမယ့်လည်း ကိုယ့်ရေလေးကို သူတို့အတွက်တမျိုးမျိုး အကျိုးရှိအောင် သုံးစွဲနေတာပါပဲဆိုပြီး စိတ်ဖြေရတာပေါ့။ ဒီ့ထက်ပိုဆိုးတဲ့လူတွေလည်း ရှိပါသေးတယ်။ သူတို့တွေကတော့ ကျမတို့ အများသောက်ရလွယ်ကူအောင် ထားထားတဲ့ ရေခွက်တွေကို ခိုးယူတာပဲ ဖြစ်ပါတယ်။ တချို့ကျတော့လည်း ရန်ဖြစ်ပြီး ရေအိုးတွေကို ဒေါသနဲ့ ရိုက်ခွဲခဲ့တာလည်း ရှိပါတယ်။

အချို့ကျတော့လည်း ရေသန့်များ ထည့်ထားရဲ့လားလို့ သံသယစိတ်လေးတွေနဲ့ မ၀ံ့မရဲ ဖြစ်နေတတ်ပါတယ်။ ဘယ်လိုခံယူချက်မျိုးပဲရှိရှိ သောက်လိုက်တဲ့အချိန်လေးအတွင်းမှာ သူတို့ရဲ့ ရင်ထဲမှာ အေးချမ်းသွားတယ်ဆိုရင်ပဲ ကျမတို့က ကျေနပ်ရမှာပါ။ ဒီလိုလူမျိုးတွေ ရှိပေမယ့် ကျမတို့ ရေချမ်းစင်လေးကို သောက်သုံးပြီး ကျေးဇူးတင်စွာနဲ့ ဆုပေးသွားတတ်တဲ့ လူတွေကိုလည်း ကျမတို့တွေ့ရပါတယ်။ အဲဒီ့အခါမှာတော့ ကျမတို့မှာ ပီတိဖြစ်ရတာပေါ့။

နွေရာသီမှာဆိုရင် ရေချမ်းစင်လေးကို မက်မက်မောမောနဲ့ အလိုရှိတဲ့သူတွေ များပါတယ်။ နေပူပူမှာ ချွေးတရွဲရွဲနဲ့ သွားလာနေကြသူတွေကို အမောပြေစေဖို့ ရေချမ်းစင်လေးက စောင့်ကြိုနေလေ့ရှိပါတယ်။ ကျမတို့ မအားလို့ သန့်ရှင်းရေးမလုပ်ပေးနိုင်တဲ့ အခါ အဆော့သန်တဲ့ကလေးငယ်သဖွယ် ဖုန်တွေနဲ့ပေနေတတ်ပါတယ်။ သန့်ရှင်းရေးလုပ်ပြီးတဲ့အခါကျတော့ လှပသန့်ရှင်းနေတဲ့ လှပျိုဖြူလေးလို အလှမာန်ဝင့်ထည်နေတာပေါ့။

မိုးရာသီရောက်ရင်တော့ ကျမတို့ရေချမ်းစင်လေးကို မိုးရေတွေစိုရွဲပြီး တွေ့ရတတ်ပါတယ်။ သောက်သုံးမယ့်လူတွေလည်း များများစားစား မရှိတာကြောင့် တကိုယ်တည်းငိုင်နေတတ်ပါတယ်။ ထိုအခါ မျက်မှောင်ကြုတ်နေတဲ့ ကလေးလေးတစ်ယောက်နဲ့ တူပါတယ်။ သူ့ခမျာ မိုးသည်းထဲမှာ ချမ်းနေပေမယ့် ကျမတို့အိမ်ထဲလည်း ၀င်လို့မရ သစ်ပင်လေးတွေကိုပဲ အဖော်ပြုပြီး နေရတာပေါ့။ မိုးနဲ့အတူ လေပါတိုက်တိုင်း အပင်လေးတွေက ယိမ်းနွဲ့ကခုန်ရင်း ရေချမ်းစင်လေးကတော့ ပရိသတ်အဖြစ် အားပေးနေလေ့ရှိပါတယ်။

ဆောင်းတွင်းမနက်စောစောအချိန်တိုင်း ကျမတို့က လမ်းလျှောက်ထွက်လေ့ရှိပါတယ်။ လမ်းလျှောက်ထွက်ခါနီးတိုင်း ရေချမ်းစင်လေးက ကျမတို့ကို နှုတ်ဆက်လေ့ရှိပြီး ကျမတို့ ပြန်အလာကို မျှော်နေတတ်ပါတယ်။ ကျမတို့ကလည်း ပြန်လာတိုင်း ရေချမ်းစင်လေးထဲက ရေကို သောက်သုံးပြီး အမောဖြေလေ့ရှိပါတယ်။ သူ့ဆီက ရေကိုသောက်ရင်တော့ ရေအိုးစင်လေးက ပျော်တပြုံးပြုံးနဲ့ပေါ့။

ရာသီတွေဘယ်လိုပြောင်းပြောင်း၊ အချိန်တွေ ဘယ်လိုနှောင်းနှောင်း ရေအိုးစင်လေးကတော့ အလှမပျက်ရပ်တည်နေတာပေါ့။ လူတွေက ဘယ်လိုပုံစံနဲ့ပဲ ဆက်ဆံဆက်ဆံ သူကတော့ အပြုံးမပျက် စေတနာထက်သန်လျက် ရှိပါတယ်။ ဒါ့ကြောင့် မိတ်ဆွေတို့လည်း လမ်းကြုံလို့ရှိရင် ကျမတို့ ရေချမ်းစင်လေးကို အားပေးလှည့်ပါဦးလို့ ဖိတ်ခေါ်ပါတယ်နော်။