ဘတ်စ်ကားစီးခြင်း

ကျမတို့ရဲ့ ဒုတိယနှစ်စာမေးပွဲကြီးက နိုဝင်ဘာလအလယ်မှာပဲ ပြီးဆုံးခဲ့ပါတယ်။ ဒီလိုနဲ့ပဲ နားရက်တွေကို ပျော်ရွှင်စွာ ဖြတ်သန်းရင်းနဲ့ပဲ နိုဝင်ဘာလကုန်ဆုံးပြီး ဒီဇင်ဘာကို ရောက်ခဲ့ပြန်ပါပြီ။ ဒီဇင်ဘာရောက်တယ်ဆိုရင်ပဲ နောက်တစ်နှစ်အတွက် ကျူရှင်တွေက ဖွင့်လာပြန်ပါရော။ ကျူရှင်တက်ဖို့လည်း သူငယ်ချင်းတွေကို ဘယ်လိုမှ အဖော်ညှိလို့မရတဲ့အဆုံး ကျမတစ်ယောက်တည်းပဲ သွားတက်ရပါတော့တယ်။ မနက်စောစောစီးစီးပေမယ့် ဖေဖေကလိုက်ပို့လေ့ရှိတော့ ကျူရှင်အသွားက ကျမအတွက် မခက်ခဲပါဘူး။ ကျမအတွက် ဒုက္ခရောက်တာကတော့ အပြန်လမ်းပါပဲ။

စာသင်နေရင်းလည်း တစ်ယောက်တည်း ဘယ်လိုပြန်ရမလဲဆိုတာကို တွေးနေမိပါတယ်။ ကျမက တစ်ယောက်တည်း ဘတ်စ်စီးလေ့ မရှိပါဘူး။ သူငယ်ချင်း တစ်ယောက်ယောက် ဒါမှမဟုတ် အိမ်ကလူ တစ်ယောက်ယောက် ပါမှသာ စီးလေ့ရှိတာပါ။ ဖေဖေကလည်း အပြန်ကို လာမကြိုပေးနိုင်တော့ တစ်ယောက်တည်း ဘတ်စ်ကားစီးရမယ့် အခြေအနေကို ရောက်သွားပါတယ်။ ကျမလည်း ဘာပဲဖြစ်ဖြစ် ဘတ်စ်ကား တစ်ယောက်တည်းစီးတဲ့ အလေ့အကျင့် ရှိအောင်ဆိုပြီး ကားဂိတ်မှာ စောင့်နေလိုက်ပါတယ်။

ကားမှတ်တိုင်ရောက်တော့ ငြိမ်ငြိမ်သက်သက် ကားစောင့်နေတဲ့လူကစောင့်၊ အချင်းချင်းစကားပြောပြီး စောင့်တဲ့လူကစောင့်နဲ့ စည်ကားနေပါတယ်။ ကျမလည်း ကိုယ်နဲ့လုံးဝမသိတဲ့ လူတွေကြားမှာ တစ်ယောက်တည်း မတ်တပ်ရပ်လို့။ စီးရမယ့်ကားကိုပဲ မျှော်နေမိတယ်။ မျက်စိရှေ့မှာတင် ကားရလို့ ထွက်သွားသူကသွား၊ ကားစောင့်ဖို့ ရောက်လာတဲ့သူကလာနဲ့ ကားဂိတ်လေးက စကားသံတွေ၊ စပယ်ယာတွေရဲ့ ခရီးသည်ခေါ်နေတဲ့အသံတွေနဲ့ စည်ကားနေပါတယ်။

` ကျောင်းရှေ့၊ အသင်းတိုက် ၊ ကပ်ချီးယား၊ ဇ၀န ၊ ဘုရားလမ်း ၊ စံပြဈေး ၊ တောင်ဒဂုံ တောင်ဒဂုံနော် တစ်ယောက်၅၀ ၊ တစ်ယောက် ၅၀၊ လိုက်ရင် မြန်မြန်လာ´

ဟော..။ ကျမစီးရမယ့် ကားလာပြီ။ စပယ်ယာရဲ့အော်သံကို ကြားတာနဲ့ သွက်သွက်လက်လက် ပြေးသူကပြေးနဲ့ ကားပေါ်ကို အလုအယက် တက်ကြပါတယ်။ ကျမကတော့ ဒေါက်မြင့်ဖိနပ်ကြီးနဲ့ နဂိုကတည်းကသတိနဲ့ လျှောက်နေရတာဆိုတော့ ဘတ်စ်ကားပေါ်လုတက်ရတယ်ဆိုတော့ တွေးသာကြည့်ကြပေတော့။ ဒီလိုနဲ့ အားလုံးလိုပဲ အလုအယက်တက်ရင်း ဘတ်စ်ကားပေါ်သို့ ရောက်တယ်ဆိုရင်ပဲ…

`အမလေး … ဗုဒ္ဓေါ´

ကျမတက်ပြီး သေချာတောင် မကိုင်ရသေးခင် ကားက၀ူးခနဲ မောင်းထွက်ပါရော။ ကျမလည်း ယိုင်သွားပြီး အပေါ်ကတန်းကို လှမ်းဆွဲထားရပါတယ်။ မျက်နှာကတော့ တင်းထားပေမယ့် ရင်ထဲမှာတော့ တလှပ်လှပ်နဲ့။ မနက်ပိုင်း ကားကလည်း ချောင်နေတော့ နေရာမရတဲ့သူဆိုလို့ အခုမှတက်လာတဲ့ ကျမတို့ပဲ ရှိတယ်လေ။ စပယ်ယာကလည်း ပိုက်ဆံလာတောင်းနေတော့ ကျောပိုးအိတ်ထဲက ပိုက်ဆံကိုလည်း မနည်းထုတ်နေရသေးတယ်။ ဒီကြားထဲမှာမှ ချော်လဲလို့ကတော့ အားလုံးကြားထဲမှာ ကွက်ကွက် ကွင်းကွင်းကြီးကို အရှက်ကွဲလိုက်မယ့်ဖြစ်ခြင်း။ ကားကလည်း သွားနေတုန်းဆိုတော့ ပြန်ထဖို့ကလည်း ဘယ်လွယ်လိမ့်မလဲ။

`မှတ်တိုင်ပါလား.. တာမွေးဈေးမှတ်တိုင်ပါရင် ပြင်ထားနော်´

သြော်.. နောက်တစ်မှတ်တိုင်တောင် ရောက်တော့မှာပဲ။ ကျမလည်း ဘယ်သူများထမလဲဆိုပြီး ကားထဲကို မသိမသာ ကြည့်လိုက်ပါတယ်။ ကျမလို ရပ်နေတဲ့လူက ငါးယောက်လောက်ပဲရှိပြီး ကျန်တဲ့သူတွေကတော့ ထိုင်နေကြပါတယ်။ ရပ်နေတဲ့လူတွေကလည်း ကျမလို ကိုးယိုးကားယား ဖြစ်မနေဘဲ အေးအေးဆေးဆေးနဲ့။ သူတို့က ဘယ်လိုများ ရပ်နေလဲလို့ လေ့လာပြီး ကျမလည်း သူတို့လိုပဲ လိုက်ရပ်ကြည့်တာပေါ့။ မှတ်တိုင်မှာ ဆင်းမယ့်လူတွေက ထလည်းထရော မြန်လိုက်တဲ့အရှိန်နဲ့ ၀င်ထိုင်လိုက်ကြတာ ကျမထိုင်ရမယ့်နေရာတောင် မရှိတော့ဘူး။

`အမလေး … နာလိုက်တာ´

မှတ်တိုင်မှာ တက်လာတဲ့လူတစ်ယောက်က ကျမခြေထောက်ကို တက်နင်းလိုက်တာပါ။ ဒေါက်ဖိနပ်စီးထားတာတောင် ဒီလူကရအောင် တက်နင်းသွားသေးတယ်။ တက်နင်းတဲ့အပြင် အားမရဘဲ ကျမကို တိုက်သွားသေးတယ်။ ကျမမှာ ကိုယ့်ကိုယ်ကို မနည်းငြိမ်အောင် ရပ်နေရပါတယ်ဆိုမှ..။ ဘတ်စ်ကားက တစ်ချက်ဘရိတ်အုပ်လိုက် ကျမက ရှေ့ကိုယိုင်သွားလိုက်နဲ့ ကားပေါ်ကလူတချို့ကလည်း ပြုံးစိစိနဲ့ကြည့်လို့။

ဒီလိုနဲ့ပဲ အပြင်ကိုငေးလိုက်၊ ကားအရှိန်နဲ့အညီ ဟန်ချက်ကိုထိန်းလိုက်၊ ခါးပိုက်နှိုက်မှာစိုးလို့ ကျောပိုးအိတ်ကို လှည့်ကြည့်လိုက်နဲ့ ကျမတော်တော် စိတ်ဆင်းရဲနေပါပြီ။ ဒါပေမယ့်လည်း ဘယ်တတ်နိုင်မလဲ..။ မှတ်တိုင်ရောက်ဖို့သာ စိတ်စောနေတယ်။ နောက်ဆုံးတော့လည်း ကျမဆင်းရမယ့် မှတ်တိုင်ကို ရောက်ပါပြီ။ အတက်တုန်းကလိုပဲ တိုးဆင်းပြီး ငြိမ်သက်တဲ့မြေပြင်ကို ရောက်ရင်ပဲ သက်ပြင်းချမိပါတယ်။ အခုမှပဲ ကိုယ့်ကိုယ်ကို လုံခြုံသွားသလိုလို..။ ကျမကိုယ့်ကိုယ်ကို သတိထားလိုက်မိတယ်။ ကျမ မတ်တပ်တောင် ကောင်းကောင်း မရပ်နိုင်သေးပါလားလို့..။

***
ကျမ ဘယ်တုန်းကစပြီး မတ်တပ်ရပ်သလဲတော့ မမှတ်မိတော့ပါဘူး။ တစ်နှစ်ပတ်ဝန်းကျင်လောက်တော့ ဖြစ်မယ်ထင်တယ်။ အဲဒီ့ကစပြီး ကျမမတ်တပ်ရပ်နိုင်တယ် ဆိုတာကို မေ့လျော့ထားခဲ့တာပါပဲ။ ကျမအလွယ်တကူ လုပ်နိုင်တဲ့အလုပ်တွေထဲက တစ်ခုလို့ပဲ သဘောထားခဲ့တာပါ။ အမှန်တော့ ကျမက မတ်တပ်တောင် ဖြောင့်အောင်မရပ်နိုင်သေးပါဘူး။ ဘေးနားက သူငယ်ချင်းတွေ၊ မိဘ၊ ဆွေမျိုးတွေကြောင့်သာ ကိုယ့်ကိုယ်ကို မတ်တပ်ရပ်နိုင်ပြီလို့ အောက်မေ့ခဲ့တာပါ။ သူတို့တွေသာ မရှိရင် အခုလိုပဲ ကျမကောင်းကောင်း မတ်တပ်ရပ်ဖို့ဆိုတာ မလွယ်တော့ပါဘူး။

ဒါပေမယ့်.. ဘယ်လိုပဲဖြစ်ဖြစ် ကျမကြိုးစားမှာပါ။ ဘတ်စ်ကားစီးနေရသလို သံသရာခရီးမှာ တ၀ဲလည်လည် ဖြစ်နေတဲ့ကျမက ဒီလိုယိုင်လဲမှုတွေ၊ တိုက်မိမှုတွေ၊ တက်နင်းခံရမှုတွေ ကြားမှာ ဘယ်လောက်ပဲ ယိမ်းယိုင်နေပါစေ… ဘယ်လောက်ပဲ ဒဏ်ရာရနေပါစေ... မလျှော့သောဇွဲနဲ့ တည့်တည့်မတ်မတ် ရပ်တည်နိုင်အောင် အားမာန်အပြည့်နဲ့ ကြိုးပမ်းသွားမှာ ဖြစ်ပါတယ်။